♥ 13/8/2011 (六) - 14/8/2011 (日) 生B過程 ♥
由於13/8舊曆係七月十四(孟蘭節)，所以我唔想咁快生住，免得老人家俾難聽說話
13/8 早上盧醫生黎睇我咩情況，又要CHECK子宮度數(勁痛)
仍然一度都未開
跟住醫生俾兩個選擇我：
1. 立即催生
2. 等自然子宮開度，但過左24小時就要打抗生素
我更係選擇2啦! 希望能過左13/8先生!
跟住，等呀等...等呀等....一直都好似M痛咁...(能忍受既痛)
終於.....過左24小時(即14/8, 00:30am)好野!!!! 姑娘入黎同我打抗生素
跟住過多兩個鐘，有個姑娘入黎同我check子宮度數，已經開左2度
問我去唔去候產房? 我心諗...好喎!候產房老公可以一直陪住
(因為當時老公只能在下面一樓大堂等....佢怕我隨時生得)
咁我即刻打俾老公上黎幫我手執好d野放入locker，跟住一齊過去候產房
過到候產房後冇耐.....就開始黎料....
越黎越痛.....越黎越頂唔順.....叫老公幫我按鐘叫姑娘
姑娘俾左個"笑氣"我，但...我覺得好臭....又無乜用，只係令人暈暈地，但仍然感受到痛
由於真係好痛，又聽見對面床個產婦有得打止痛針，咁我又叫姑娘俾我打
點知....check完子宮已開到5度，所以無得打止痛針，唯一只可靠笑氣...
(其間我不停鬧超爸，"係邊個叫我揀順產嫁? 正衰人! 好痛呀!".....)
過多陣，好快我就有想痾既感覺，又再按鐘叫姑娘
check完子宮已開到8度，可以推我入產房啦!!!
準備入產房時係冇得攞住笑氣，只可靠自己深呼吸減輕痛楚
簡直痛得要命
入到產房我勁急便便，盧醫生仲未到
但姑娘叫我可以試下"痾"
但我痾左幾次都唔得
醫生到左、老公幫手托住我個頭同頸.....大家齊齊為我打氣!!!!
"出力! 加油! 用力! .......閉氣用力!........."
我點都痾唔到，我帶著半放棄狀態叫醫生吸佢出黎，我話我無力啦!
點知....醫生死都唔肯幫我吸呀B出黎，佢話吸佢出黎呀B個頭仔會有舊野凸出黎或損左
文章標籤
全站熱搜
我都覺得好快，我聽人講搞好耐先PUSH到BB出黎，同埋點解開左5度就唔可以打止痛？ [版主回覆08/19/2011 21:33:00]係呀，我都唔知點解生得咁快，我陀緊BB時都無乜點出街行，多數留在家裡訓覺! 我都唔知點解，醫生同姑娘都話過左3度就無得打止痛針，因為會影響BB! 但笑氣其實都無乜用，都係要靠自己深呼吸先得..... 我到產房痾都係約30mins，但我隔離床的同房媽媽，只係痾only 都痾左全日!!!! (痾既時候唔可以做任何止痛，包括唔可以用笑氣)
恭喜...恭喜...你!!! 祝 Angie BB快高長大!!! 你多D休息呀!!! [版主回覆08/19/2011 21:33:00]多謝!!! 多謝!!!!
恭喜晒, 可以的話坐月就休息多啲喇, 遲啲湊b真係好辛苦o架, 無得瞓!!! [版主回覆08/19/2011 21:33:00]知道!!!!! 我現在都無乜時間訓!!!!
你好叻呀!!!! 你真係算快了, 我個FRIEND痛左十幾個鐘才生到阿B出來, 我都好想好似你咁... 唔駛痛咁耐.... 祝 Angie B快高長大呀!!! [版主回覆08/19/2011 21:35:00]我隔離床同房媽媽都係痾左全日，所以我覺得我算係好Lucky 你都加油啦!!!!
好勁好勁呀!!! 痛得厲害....都忍到!! Angie B好鍚你呀....唔駛你痛咁耐就快快出黎見媽咪喇....BTW Angie B真係好多頭髮呢~~~肥嘟嘟好CUTE~~~ [版主回覆08/19/2011 21:39:00]係呀!!!! 係一個祝福，樣樣都好順利同埋好快，唔洗痛咁耐!
好耐無上BLOG,一上黎就見到你生左LA^^公喜你呀!! E..BB出世有血@__@我D 朋友又話無既@.@ ANYWAY, BB好多頭髮呀^^ HEHE [版主回覆08/19/2011 21:41:00]多謝!!!! 你生BB 睇唔到BB出世個一刻????無論做手術或順產都係會血淋淋的，不過順產真係好痛! 你BB點呀???? 真係見你好耐冇寫BLOG!
終於生咗，你要開始第二個旅程，加油呀！好好坐月！ [版主回覆08/19/2011 21:42:00]係呀!!!! 坐月無覺好訓!!!! 攰到七彩...
恭喜呀 ^^ Angie bb 真係好多頭髮呀~ [版主回覆08/19/2011 21:43:00]多謝晒!!!! haha 係呀! 我都覺，勁多頭髮!!! 幾時到你????
恭喜...恭喜...恭喜 頭髮真係好多.... 祝BB快高長大..你要好好休息啊!! [版主回覆08/19/2011 21:44:00]知道!!!! 多謝晒
恭喜哂呀~ 記住休息多d呀~ 完完全全感覺到一針一針咁入肉...<-----好驚 [版主回覆08/24/2011 18:20:00]係呀，聯針仲痛過生仔!!!
我近來好忙，根本沒有時間寫ｂｌｏｇ﹗﹗﹗心裡面一直記掛住你的預產期。 好開心你順產呀﹗你仲好犀利喔﹗仲可以密密寫ｂｌｏｇ﹗﹗﹗ 保重身體呀﹗ [版主回覆08/24/2011 18:42:00] 係呀!!!! 我生左啦!!!! 不過現在攰到傻左.....無覺好訓!!!