♥ 8/3/2011 - 懷孕15W6D ♥
由昨日開始我既胃口變得很驚人.....
不停食....不停食......(我唔要做大肥婆呀!!! )
前幾日老公在一田BB展買左個月亮枕俾我 ($23X)
"cool"住條腰坐會舒服好多
訓覺時好似攬住條大香蕉咁,好舒服
老公去一田買士多啤梨俾我食,我食到唔停得口
救命呀......今日又係咁.....
我不停食...係咁食....
即係我剛剛食完飯,一個鐘後又食多碗飯!!!!
再係咁落去我會變大肥婆!
**************************************************
昨晚同老公出外食飯,食完慢慢行返屋企
途中經過大眾書局,我地走左入去睇下有冇野買
wow......我又發左癲......
我變到成個小朋友咁....叫我老公買玩具俾我玩
老公即時回答:鐘意就買啦!
跟住我就成個小朋友咁開心到彈下彈下咁返屋企
要老公陪我玩
這副玩具叫 "生命之旅"
屋企有小朋友就唔好買住 (係我先咁貪玩,買左先算)
一打開有好多勁細件既配件
如果有小朋友係屋企,一定會放入口吞
又或者整唔見d配件
我生左BB後會密封左E盒玩具,或者等到佢訓覺時我同老公先偷偷地玩
佢既玩法就好似大富翁咁玩
見唔見中間有排粉紅色同粉藍色既骨條???
其實係代替人仔,玩既時候要cut左佢出黎一粒一粒咁,插入彩色既小車車上
(所以有小朋友在家都要考慮買唔買)
未砌好既時候個map係咁樣
如果砌好之後,就會好似圖上面咁有立體屋同山同埋數字轉盤
玩左兩次,都係我 win !!!!
老公輸左好多錢 hahahahahahhaa
全站熱搜
留言列表