♥ Anna Mami ♥

我昨日暈左兩次呀!!!~~~慘!

原本諗住昨日去買生日禮物俾個可愛既Keona ，同埋去旺角交做結婚相簿既碟，仲想去食油渣麵，點知........

我由大埔火車站上車後...到了小白鷺既時候，我好想嘔，跟住我好暈，緊緊依靠著小超...隨即眼前一黑.....我休克左....冇晒知覺!

一直到大學火車站，老公同其他乘客將我好似賣豬仔咁抬左我出月台，CALL左白車..

佢話  ：   當時你的呼吸好似無左，脈搏又好似弱左喎，所以我咪不停咁打，希望打醒你囉!

老公不停打、打、打、打、打~~~~打我塊面!~~~

打到我半醒....佢話我當時喊左兩滴眼淚出黎，haha

之後，被人扶上輪椅推左落站長室等救護車，老公見我又好似暈左咁...

所以仲打得犀利....仲係咁叫我 "醒呀!"....一.一:::

我當時出唔到聲，個口好乾又冇力，我真係好想叫佢 "唔好嘈" "打夠啦" hahaha

之後，我就被救護員抬左上床架，再上埋救護車....

嘩....佢地好似以為我就死咁，幫我戴上氧氣罩，量血壓，刺手指量血糖...

由於我血壓低+血糖低+有左BB....佢地係咁幫我插手背諗住輸葡萄糖水俾我，

點知....插左三次都唔成功，最後係我手脾打左支針

睇下! 我兩隻手都損傷慘重!!!

去到醫院我已經醒左，仲訓係床度等醫生叫名...

我竟然被列為"Urgent"case，在急症室等候!
醫生(顧問醫生)驗查(包括：超聲波，心電圖，量血壓，血糖)完左之後，我同小超諗住走，點知。。。。。。

 

等緊的士既時候，又暈多次!!!!>.<...今次係身邊正在等的士既女仔幫我老公手扶我同不停拍打我塊面，跟住佢仲幫我跑到醫院攞輪椅俾我坐，

最後...我又係要返返去威爾斯醫院!!!

 

 

最後，食左D野飲左D寶礦力，小超就推我到的士站搭返屋企.....

HAHA 今次真係嚇死我同老公，我最怕係冇左小BABY，我係救護車裡面同小BABY講唔好離開媽媽，媽媽同你一齊努力唔好放棄，就算被人插到雙手幾痛都好，我都可以忍到，但BABY唔好離開媽媽，勁驚~~~

好彩在急症室個醫生幫我照左超聲波，雖然醫生唔肯放大黎照，但見到BABY仲有心跳，仲大隻左好多(比預期大左成4日) 我地都好放下心頭大石!!!

 

睇下!!!!  BABY佢仲係度 玩緊腳指 呀!!!!

BB好叻叻呀!!!