♥ 19/3/2011(六) - 懷孕17W3D ♥
昨晚嚇死我啦!!!!
之前我臉青青,諗住去睇下中醫,但我一心諗住唔會食個D中藥,主要都係想知飲咩湯水好D,點知老公昨晚煲個D藥俾我飲..飲左之後...
個肚開始吉吉痛,跟住好唔舒服,去洗手間時發現低褲突然有小小啡血跡
嚇到我大叫,因為我陀左BB幾個月都冇再出現血跡,咁岩飲完D藥就出血...
之後,晚上個肚都好痛....由其係橫隔膜個位置好痛!!!
攪到我驚到流眼淚
好彩今朝冇再痛,但個心都係好驚,所以老公同我用胎心機CHECK下BB有冇心跳
好彩BB仲係度.....過左陣BB都不停郁來郁去.....真係好彩....
BB ,你嚇死媽咪啦~~~
------------------------------------------------------------------------------------
跟住今日媽咪黎我屋企煲湯俾我飲,我突然嗅到.....
當歸
嚇到我立即問媽咪係咪煲左當歸
跟住佢話個醫生(同上述同一位醫生)話落埋會好D
攪錯呀,佢係咪想我流產呀????
當歸會令子宮收縮,很容易有反效果(有的可能會有出血現象)
我覺得個醫師勁唔掂囉!!! 唉.............我以後都唔會睇E個醫生!
------------------------------------------------------------------------------------
今日個肚圍,差唔多36.5吋
大肚婆扭側條腰真係好辛苦....不過算啦...自己影自己係要咁先影到相....
全站熱搜
留言列表