♥ Anna Mami ♥

病假完了，今日如常回到醫院上班，當我正在買早餐時，突然好暈同想嘔，見到有好多白色點點越來越多，跟住我就暈倒及失去知覺。ISS既同事告訴我幸好當時在我隔離有個醫生，佢即時為我急救及推我入急症室。今次真好彩，咁大個女都未試過係咁多人面前暈倒，好感謝個位醫生....唔記得問佢係邊位....

之後，ISS同事幫我通知左我部門D同事，JIMMY幫我攞左個袋上來A&E比我，跟住我就訓左係病人床上，照心電圖、量血壓、check血糖....小超都到左A&E陪我。

跟住，我被推到臨時觀察病房，訓住等。過左一陣，老闆就來睇一睇我，佢見呀超係道陪我，所以佢留左短短時間就走返部門工作。

ISS同事隨後來看我，見我己經醒了就把剛剛發生的事情告訴我知，HAHAHAHA

原來暈倒休克，會令人失去知覺，昏迷狀態，ISS同事話我當時面色蒼白。當我慢慢地醒覺知道自己倒下時，我開始聽到側邊有好多人所講既對話，知道自己張開大口，訓在醫院SNACK BAR裡的櫈上，旁邊為我急救的醫生不停拍我"小姐....小姐...."

我慢慢開眼一望...嘩....咁多人GE...心諗 "死火, D醜態被人睇到晒tim" OH NO...

好"魚"呀.....點解我要在這個我每日都會來買早餐既地方暈倒GA?????