日期： 2010年10月1日(國慶), 晚
事項： 婚宴進場儀式
我地預備進場啦!!!!~~~~(好緊張!!!)
所有人都係度睇緊我地既成長片短
小超話：good show!
我地就在後場等候，同埋影相!!!
(e隊軍人係我地另請返黎的，好貴仲要以人頭計...每位幾千蚊
，小超又俾我顛喎)
我一直期望，我在婚宴上要著住超長勁閃既婚紗，好似公主咁出場，
我今晚將會實現，好緊張!
準備啦~~~~
進場啦!!! (成支軍隊帶進場真係好壯觀，個個來賓都好興奮!
)
個攝影師不停叫我地"慢慢行"，haha
小超係咁同個教授握手，我心諗：進緊場呀，握完未呀? 軍人都走埋啦!!!
無論點，全日我地都要保持笑容....
其實係好辛苦架!!!
上到台，切結婚蛋糕
跟住交酒同祝酒! (隻杯勁長囉...差d哼爆)
跟住我最緊張既時候到，就係講感謝說話，好驚自己講錯野!!!
- 首先感謝所有來賓出席我地既婚宴，好感動!
- 跟住感謝我地既好朋友Kitna & German，係佢地兩公婆介紹我同小超識的!
(在我失戀最慘既時候hahaha，因為我之前男友屬靚仔級，成日都心驚膽跳，最後都係冇結果，個時發誓死都唔要靚仔男友，對男仔都開始冇信心，點知識到小超，佢真係好好，其實佢對身邊個個都好好，佢咩都就晒你，你想要咩佢有能力的話都會俾到你、學歷高又可靠、又顧家、又唔夜蒲、又唔煙唔酒唔粗口....真係好好既男人，而佢又對我有意思，咁我咪決定同佢一齊囉!!! 的確，同佢一齊又真係安心好多!!! haha
)
- 同埋感謝佢爸爸媽媽，如果冇佢地，我都唔會有個咁好既老公^^
- 最後，更係要多謝一位重要人物啦!
一個對我不離不棄、一齊捱過苦、又錫到我燶既人，就係我媽咪!
自從爸爸病倒至到逝世，家裡得我工作(初出頭)但同時又要讀書，家裡變得越來越窮，連電話費上網費都俾唔起，攪到被人cut，我和媽咪都係食辣椒粉撈白飯過日子咋) 我永遠都記得，我家當時變左好似冇親戚咁(我在香港得一、兩家親戚)，因為當我家有事，d親戚係冇晒蹤影，而爸爸過身，佢地都冇黎，得一個唐姐係有黎，其他既親戚又話生日又話其他事....) 但當佢地屋企有事就會call我媽咪去幫佢地!!!
但今晚在我既婚宴，佢地又有黎喎! <算啦! 就俾佢地睇下我有幾幸福啦>
講到媽咪，我真係忍唔住喊左出黎!!! 因為諗起我地兩母女一齊捱過既日子!
冇左媽咪係唔得架!!!
之後到小超講感謝家人既說話!
講完之後司儀要求我地要kiss kiss......kiss好耐好耐
唔知係咪因為剛剛講起d慘既事，一kiss小超時，我覺得黑暗既時間已經過去，
我現在已經得到幸福，得到一個美好既家，從此會過著開心快樂既日子咁!
haha 食乳豬!!!(其實我好鐘意食乳豬)，當晚我只係食左乳豬咋
下次會有敬酒相片
< 續 >
留言列表
