我已懷孕兩週。。。。
昨晚天氣冷得很....得6點幾度.....
下午﹐小超陪我去睇工聯會黎醫生覆診,佢開左6日藥俾我,佢話唔洗我走黎走去,盡量留在家中休養,仲幫我量多次血壓,結果.....都係咁低....上壓80下壓50....
之後,媽咪都黎到工聯會等我,跟住小超就走去幫人補習等媽咪陪我! 等藥既時候見到鄒天祥太太同佢仔仔,佢都估到我係有喜啦~~~~
之後,陪媽咪去豐澤買吸塵機,嘩....好難受呢...我又唔可以拎重野,媽咪又細粒喎...佢自己抬吸塵機回家....OH NO.....佢真係好辛苦.....
-----------------------------------------------------------------------------------------
晚上,同小超坐的士回男家做節,奶奶煲左花膠湯,係咁俾D花膠我食 勁大碗湯比平時去飲湯既碗大一倍
我飲到下腹有少少微痛,之後又冇事喎.....
跟住我立即上網CHECK懷孕可否食花膠,點知....原來花膠係好長胎架喎!!!
GOOD!
跟住奶奶攞左盒乾魚翅上枱,話要我帶返屋企整黎食
我勁大反應.....我話醫生話唔可以食魚翅,因為魚翅有好多色素.....不如遲D先俾我食啦!
跟住佢勁無奈地收返起....
嘩.....成晚食飯食得好辛苦,食食下飯又腰攰.....>.<......勁攰.....
走既時候仲慘,凍到識飛,我成個人都震晒
--------------------------------------------------------------------------------
今朝我都係好早醒左,跟住7點起身同老公講我訓唔到,我好肚餓!!!
小超就起身煲熱奶奶俾我飲,飲完佢就氹我訓返覺!
11點幾起身,肚瀉瀉水!
之後小超煮早餐俾我食,好幸福呀
留言列表