♥ 3/4/2011(日) - 懷孕19 weeks 4 days ♥
E幾日我病左,昨日發燒好彩今朝退左燒
好病唔病生日先黎病......
咳到又瘦左D啦!!!! 又喉嚨痛又鼻塞又流鼻水....又頭痛!!!
今日又突然天氣轉熱,成廿幾度
所以今日著短袖衫帶病出街逛!!!
HAHAHA 我係咪好曳曳呢....病都食炸雲吞 hahaha
晚上仲食左碗熱芝麻糊甜品tim呀! hahaha
今日出左尖沙咀逛,今年生日都唔係買野俾我自己,而係買野俾BB
由於玩具反斗城減價至4/4,所以今日走左去買個2in1 Graco網床俾BB
我地之前其實睇過其他牌子同唔同既款式,
如Chicco既網床要成$2,6xx(已折) 好貴!!!!
荷花有Graco其他款,$1,999(最平),我覺得唔值...
玩具反斗城有其他牌子,但size唔啱,有d太長,有d太大...
有換尿片個d我又覺得無咁既必要(加多幾百蚊),其實其他地方都可以換啦!!!
所以最後,決定買這款又平又OK既2in1 Graco網床 (都只係$8xx) GOOD!!!
雖然個款唔太靚,但我會後期加工整靚佢
去左Chicco買左好多野:
有沖涼洗頭液、有patpat cream、有爽身粉液、防蚊膏、防蚊機
奶奶話初生BB既衫要用手洗,所以我買左這個ARAU洗衣液
for 手洗用(無需加入柔順劑)
由於日本發生輻射事件,我早早就預訂左Pampers初生尿片
生產日期:14 . 2 . 2011 (我會安心D)
返到屋企都成11點幾啦....食埋個生日小蛋糕先!!!
由於我唔食得凍野,所以都係買個細細既CAKE仔返黎就算啦!
個士多啤梨心係心型架!!!!! 好SWEET!
**************************************
我要努力,在BB7個月大之前要攪掂晒所有BB要用既野!!!!
留言列表