♥ Anna Mami ♥

我要辭職

昨日同黎生(同事)食完飯回OFFICE後，佢同我講：可唔可以幫我攪叉燒腸粉個單野!

源頭：

黎生督導是負責管理貨倉食物及食具，呀儀係WORKMAN。

事源於7月佢叫呀儀向SUPPLIER取的QUO，之後佢根據張QUO入左張PR單購買"叉燒腸粉" ，由於佢仲係唔識入EPR 來出PR既關係 "其實我教左佢好多次，佢之前仲有TAKE NOTES" 所以E次都係我教佢入單，教佢入單要按什麼制，最後叫佢CHECK清楚先好按SUBMIT。

到了7月22日，收到貨後佢要在ERP拍返RECEIPT確認已收貨，我教佢既時候，我都叫左佢CHECK清楚先好按SUBMIT。佢是是旦旦咁拍左就算，完成之後就把所有文件一同交俾我，因為我要入BUDGET REPORT + SEND TO FIN + COPY留底。

在我入BUDGET REPORT時發現INVOICE價錢與PO不同，所以立即同佢講，之後得知原來係SUPPLIER比錯報價，但來貨係對的，咁我就抄埋查詢解決方法既電話(BUYER MR.SIU)比黎生，佢遲遲唔理，話唔係佢既錯，係呀儀攞錯報價單，係call都係呀儀call!

到了9月FIN/NTEC有同事不停打來追單，黎生叫佢搵呀儀，由於呀儀放假幾日假，所以之後D電話都係黎生聽，人地都教左佢點做。但....

佢一句話： 我唔識GA! 都唔知佢講乜!

到了昨天9月16日早上我一時記起這件事，因為我只得幾天工作日就開始放長長大假，所以我提一提黎生要盡快攪掂張單。

9月16日下午，與他食完飯回公司，佢同我講："可唔可以幫我攪叉燒腸粉個單野! " 跟住我就話：你仲未打俾MR.SIU? 咁上次差不多每日打比你同埋教你之後點做個位係邊個? 咩部門? 咩名?   但佢回答我："我點知呀!" 之後，我打去BUYER、FIN... 我才知道原來係FIN的MR.WONG。

佢同我講其實搵BUYER就知點做，跟住我同黎生講要打俾MR.SIU-BUYER。 佢不停講："我就算打俾我都唔知佢講乜啦，你打啦!"

跟住我話："我係隔離，如果你再聽唔明佢講乜先俾我去跟OK?"

跟住佢話："又唔係我既錯，點解要我打，應該呀儀打!"

我話："開單既人係你呀，改單既野咁更係你去處理啦!"
跟住佢話："咁你打，因為你係MISS教我入單的!"

我話："我咪話左會在你隔離，如果你再聽唔明佢講乜先俾我去跟，如果咩都我做晒，咁你咩都唔知，咩都唔識囉!"

跟住佢發我卑氣，張面前我寫的電話紙仔立起掉向我，跟住把文件的FILE掉入佢自己的TRAY，就話："唔做呀，大家都唔好做囉!"

今天9月17日，下午約12時30分正常開交更會，佢大發卑氣，向唐生(主管督導) 話我唔肯教佢野，唔肯幫佢，叫我做野係要"tum"來"tum"去，又話我成日拖延佢d野唔做。

我就話："我唔肯教你? 我之前教左你咁多次，你連notes都寫埋，都唔肯動手去做，現在話我唔肯教你? 我幫左佢落左咁多次單，次次要幫忙既事我都去幫，點解話我冇幫你?  拖延佢d野唔做? 老闆係我上司，我要更係要做左老闆既野先慢慢幫你啦，唔通我停下所有工作來幫你先?

現在聯網FIN既人已經不停打電話來追單啦，我唔想佢俾老闆鬧先不停提佢盡快攪掂張單，唔洗俾人話啫! 點知倒頭來我原來係佢心目中變左做衰人!!!

今日下午，我除了被他鬧之外，還被佢拍抬企起身"兇"我。

我好心痛，一個識左咁多年既好同事朋友，經常一齊出去食飯好傾既朋友，為了一件小事而發我卑氣，只係叫佢打一個電話都唔肯!

唐生好好人，佢以和為以和為貴，所以佢話這件事佢負責吧，佢問了我聯絡BUYER電話，跟住佢就打去問。問清楚之後，唐生話返俾黎生聽要點做，黎生話："唐生你做啦，你唔做又點識，之後點教我呀!"

我對黎生勁失望，一個把手上工作推三推四既人，自己完全唔洗做，只係唐生同呀儀做晒!

我下午決定辭職，向王經理交辭職表格，王經理安撫我心情後，我出去OFFICE繼續工作，做到差唔多放工時，我執拾好文件時黎生剛剛回OFFICE坐在我隔離的坐位，我唔理佢，我脫下綠色工作袍，放在我的CHAIR上，佢話我整到佢，於是黎先生好大力咁推我張CHAIR撞向我。

我好氣憤，我二話不說走入經理室，我同王經理講，我頂唔順佢，我要即刻辭職 !

----------------------------------------------------------------------------------------------

其實這少少事件，我只係教佢做工作上佢應做既事，但我被人鬧、被人兇、被人動手。我好失望好心淡。事問，我已經每日盡力去做好工作上既事，但無奈現在我真係受不了! 有個咁既同事，原來佢真係痴線，我寧願走，都唔想見到佢。唔想令自己婚前唔開心。而 E個人從此會列入我黑名單! (佢仲要同周邊既同事講Y理，勁過份!)