♥ 13/8/2011 (六) - 14/8/2011 (日) 生B過程 ♥
由於13/8舊曆係七月十四(孟蘭節)，所以我唔想咁快生住，免得老人家俾難聽說話
13/8 早上盧醫生黎睇我咩情況，又要CHECK子宮度數(勁痛)
仍然一度都未開
跟住醫生俾兩個選擇我：
1. 立即催生
2. 等自然子宮開度，但過左24小時就要打抗生素
我更係選擇2啦! 希望能過左13/8先生!
跟住，等呀等...等呀等....一直都好似M痛咁...(能忍受既痛)
終於.....過左24小時(即14/8, 00:30am)好野!!!! 姑娘入黎同我打抗生素
好野!!!! 姑娘入黎同我打抗生素
跟住過多兩個鐘，有個姑娘入黎同我check子宮度數，已經開左2度
問我去唔去候產房? 我心諗...好喎!候產房老公可以一直陪住
(因為當時老公只能在下面一樓大堂等....佢怕我隨時生得)
咁我即刻打俾老公上黎幫我手執好d野放入locker，跟住一齊過去候產房
過到候產房後冇耐.....就開始黎料....
越黎越痛.....越黎越頂唔順.....叫老公幫我按鐘叫姑娘
姑娘俾左個"笑氣"我，但...我覺得好臭....又無乜用，只係令人暈暈地，但仍然感受到痛
由於真係好痛，又聽見對面床個產婦有得打止痛針，咁我又叫姑娘俾我打
點知....check完子宮已開到5度，所以無得打止痛針，唯一只可靠笑氣...
(其間我不停鬧超爸，"係邊個叫我揀順產嫁? 正衰人! 好痛呀!".....)
過多陣，好快我就有想痾既感覺，又再按鐘叫姑娘
check完子宮已開到8度，可以推我入產房啦!!!
準備入產房時係冇得攞住笑氣，只可靠自己深呼吸減輕痛楚
簡直痛得要命
簡直痛得要命
入到產房我勁急便便，盧醫生仲未到
但姑娘叫我可以試下"痾"
但我痾左幾次都唔得
醫生到左、老公幫手托住我個頭同頸.....大家齊齊為我打氣!!!!
"出力! 加油! 用力! .......閉氣用力!........."
我點都痾唔到，我帶著半放棄狀態叫醫生吸佢出黎，我話我無力啦!
點知....醫生死都唔肯幫我吸呀B出黎，佢話吸佢出黎呀B個頭仔會有舊野凸出黎或損左
咁我就死忍.....大大大大力痾...........
就係咁我痾左呀B出黎
跟住，我成個人散晒......
姑娘抱住血淋淋既Angie B 放在我胸前，我第一句說話係：
嘩! 咁多頭髮既??!!!
跟住超爸親自剪臍帶
之後....
醫生幫我聯針，係勁勁勁痛...仲痛過生仔!
打左止痛針係大脾都係好似冇打到針咁...完完全全感覺到一針一針咁入肉...
就係咁我生完BB啦!!!
之後推返去床房，等8個鐘先可落床!
超爸送左個花籃俾我 (不過我覺得好"Learn")
生產過程：
真正大痛用左 大約 3 個鐘
到產房"痾"呀B用左 30分鐘 (醫生話我第一胎已經算係好快)
全站熱搜
留言列表
