18/9/2016 (日) - (第二次懷孕 9 weeks 5 days) 出血  

 
今日爺爺、嫲嫲同超爸到粉嶺新屋幫手清潔,
中午我同Angie諗住到新屋練琴,之後帶Angie到樓下會所玩一陣。
 
由於爸爸同爺爺落左街買用具同埋下午飲盒,所以我同Angie到樓下會所等佢地,
一齊上屋企既時候。。。
我一打開門
聞到屋內一大陣濃縮漂白水味,開著冷氣。。。所有門窗都是關上了的
我當時超級唔舒服,所以走去開晒啲窗門
但好後悔點解我當時無意識走出門外呢?!
 
食埋飯過左一陣我真係頂唔順,帶女走到樓下會所PLAYHOUSE玩
 
兩個鐘後,
個肚開始有經期黎既感覺。。。好唔舒服
 
直到超爸打黎話差唔多清潔完畢,
我帶Angie上屋企,由於我非常不適所以立即走入洗手間睇下有冇事。。。
    
 
下體竟然出血
而且越來越痛
 
超爸立即CALL爺爺帶走Angie幫手照顧Angie先
超爸陪我坐的士到仁安急症室
。。。。。。。。。。。。。。。。。。。
點知到了仁安無耐。。。
個姑娘話今日係星期日無婦產科醫生係度
建議我地去政府醫院睇
因為要額外加錢,同埋又要CALL 醫生返黎醫院需時
我又見到血好似流少左啲
咁我地只好立即坐的士去威爾斯醫院急症室
。。。。。。。。。。。。。。。。。。。。。
等了又等。。。終於叫名入房,
醫生幫我做陰超
濛濛地睇到BB仲有心跳
但一取出支陰超棍,成支棍都是血,出血情況比之前更嚴重
我當時好驚
我問醫生BB仲有心跳,仲有冇其他方法可以救到佢?
醫生非常冷淡地答我:
無野可以做到!大把女人係咁樣,你返到屋企如果有野流出既話就再返黎醫院!
 
好嬲好嬲地離開醫院
超爸送我返到屋企後,超爸去嫲嫲屋企攞花膠湯俾我飲
Angie就留係爺嫲家過夜
 
 
 
arrow
arrow
    全站熱搜

    Annamami 發表在 痞客邦 留言(0) 人氣()